Լենա Քէլէքեան ` Ողիմպիական Արուեստագէտներու Միութեան Նախագահ։
Լիբանանահայ նշանաւոր արուեստագէտ (սրբազան արարկաներու նկարիչ,եւ որմանկարիչ) Լենա Քէլէքեան
ընտրուեցաւ Ողիմպիական արուեստագէտներու միութեան նախագահ` միաձայնութեամբ եւ առաջին
ընտրութենէն, որ տեղի ունեցաւ Վենետիկի մէջ: Քէլէքեանի այս ընտրութիւնը մեծ պատիւ է Լիբանանի
եւ հայութեան, որովհետեւ առաջին անգամ ըլլալով է, որ Լիբանան այս միութեան, որուն անդամ
են 81 պետութիւններ, նախագահութեան կ՛արժանանայ: Լիբանանահայ արուեստագէտը արդէն իսկ
ստանձնեց իր պատասխանատուութիւնները իբրեւ նախագահ: Նշենք, որ այս միութեան անդամ
են 2008-ի Ողիմպիական խաղերուն մրցանակներու տիրացած արուեստագէտները: Այդ թուականին
Քէլէքեան արժանացաւ ոսկեայ մետալին եւ Ողիմպիական ջահին, որովհետեւ իր ստեղծագործութիւնը
արժանացաւ բոլորին գնահատանքին եւ մրցանակ շահեցաւ: Այդ պաստառով Քէլէքեան ներկայացուցած
էր Լիբանանը: Լենա Քէլէքեան այս առիթով յայտնեց, որ իր աշխատանքներուն առաջնահերթութիւններէն
պիտի ըլլայ Ողիմպիական արուեստագէտներու ցուցահանդէս կայացնել Լիբանանի մէջ ընթացիկ տարուան
ընթացքին: